شور منهج آل الرسول .. تَقْوى - وَسَطِيّة - أخلاق

يا ما سكن بينه الشوگ

|| يا ما سكن بينه الشوگ
|| أداء: علي الخاقاني
|| كلمات: أحمد الخاقاني
|| ذِكــــــــر الأشبال : باقر فهد السماوي | محمود فهد السماوي | أحمد الهلالي | مهدي علي الشرفي
|| ذِكـــــر : حسن الهلالي | حسين الجابري | حيدر البديري | حسن الجابري | طـه السعدي | محمد عماد | باقر الزاملي | علي البديري | محمد الهلالي | زين العابدين الكربلائي

|| نص القصيدة ||

يا ما سكن بينه الشوگ ياحجة الله
بينه الدهر جار هواي بالعبره والآه
المهدي وحيد بغربته ياهو اليردله وحشته لو خيم الليل
_______________________________________

العمر شمعه يغالي وذابت بنار انتظارك
ننتظر كلنه سويه نرتقب طلعة نهارك
گلي ياگاع أنت ساكن حتى اگصد آنه دارك
احنه مشتاقين نلتم اي وحق سورة تبارك
بين الأسى وبين الشوگ يالمهدي نحتار
كل احنه ونصيح بصوت ظلمتنه الأشرار
والمهدي هذا بمحنته ياهو اليردله وحشته لو خيم الليل
_______________________________________

بين الحسره وبين الآه كلنه نـتـنطر أملنه
احنه أخرنه ظهورك والسبب كله بعملنه
ماتصّافه گـلوب الناس هو هذا أكبر سببنه
چم سهم غطينه گـلبك بكل تخاذلنه و حقدنه
بالغربه محد وياك عايش حزن ليش
لا طالت سنيني وريت بعدك ولا عيش
صرنه سبب في غيبته ياهو اليردله وحشته لو خيم الليل
________________________________________
هواي قصور البينه يصير والذنب عنك حجبنه
احنه زيدنه جروحك يا أبو صالح ياذخرنه
والوجوبات تركته الچانت تنور دربنه
بظهري خليتك يمهدي هموم گلبك هـيّجته
والكل سبب هالتقصير مانمتلك راي
تتنفس جروح وليل غايب يمولاي
ولحسين يندب وحدته ياهو اليردله وحشته لو خيم الليل
_______________________________________

والله يالمهدي بغيابك هجرونه وكفرونه
گالوا عليك المسردب وبحچيهم جرّحونه
صرنه من بعدك يتامه وانته كل جمعه ترانه
ندعو من الله برحمته يعجّل بطلعة ضوانه
ويلم شمل هالأنصار ويبدل الحال
ينجينه من كل شيطان ومن يوم الابدال
ونعيش كلنه برأفته ياهو اليردله وحشته لو خيم الليل
____________________________________

بمجلس الحره اجتمعنه حتى ندعيلك تجينه
بلسم جروح الحيارى انته مهدينه وسندنه
دمعة أنصارك يمنقذ مثل دمعات الحزينه
نظره منك يابو صالح عجّـل ظهورك علينه
وتكحل عيوني اليوم بالجمعه اتانيك
وبحالي ترحم مولاي حب فاطمه عليك
ونفوز كلنه بشوفته ياهو اليردله وحشته لو خيم الليل

________________

أحمد الخاقاني

مقالات ذات صلة

زر الذهاب إلى الأعلى
إغلاق
إغلاق