الرئيسية التحكم     الرسائل الخاصة الخروج

 

http://im90.gulfup.com/cFlrwZ.gif

   
العودة   المركز الاعلامي لمكتب المرجع الديني آية الله العظمى السيد الصرخي الحسني - دام ظله > المنتديات العامة > منتدى الصوتيات والمرئيات الاسلامية
 

   
الملاحظات
 

منتدى الصوتيات والمرئيات الاسلامية منتدى يحتوي على كافة الصوتيات والمرئيات الاسلامية

رد
   
 
أدوات الموضوع طرق مشاهدة الموضوع
 
   
قديم 30-12-2008, 11:19 PM رقم المشاركة : 1
معلومات العضو
المؤمنة الصابرة@
إحصائية العضو






المؤمنة الصابرة@ is on a distinguished road

المؤمنة الصابرة@ غير متواجد حالياً

 


المنتدى : منتدى الصوتيات والمرئيات الاسلامية
افتراضي قصيدة حواريه بين زينب واخيها العباس عليهم السلام الشاعر الحسيني سيد عدنان الحمامي

قصيدة حواريه بين زينب واخيها العباس عليهم السلام سلام وتحيات الا كل العاملين في هذا الموقع الولائي والذي يحمل اسم مولاتنا وشفيعتنا فاطمة الزهراء ع روحي وارواح العالمين لها الفداءواتمنى لهم التوفيق في خدمة محمد ص
وال محمد وان يحشرهم مع محمد وال محمد
====================================
قصيده حواريه بين زينب واخيها العباس عليهم السلام كانه في ليلة العاشر من محرم زينب ع تنضر الاالجيوش والكتائب والرايات تزحف لقتال الحسين ع فكانت هذه الصوره التي صورتها بمقطوعه شعريه عسى ان تنال رضاكم
======================
خويه شودليلي احتار شعدها الخيل ملتمه
وروحي حست اباخطار جنها الكوم مهتمه
حيل الكلب ماضل بيه اشوف العيله مغتمه
ليله يم ولدها اتلوب سترك ربي وتشمه
ورمله حضنته الجسام اسمعتها اتكلفه ابعمه
اتكله اوليدي هذا اليوم ذخر ردتك لبو اليمه
جنها اوصية اموادع ودلالي كثر همه
يسبع الكنطره شرايك والدنيه غدة ضلمه
من كثرة كتايبها وهذا الجيش شيكحمه
بيهم ميت الف واكثر يخويه ومن يرد هالخيل
=====================
جواب العباس ع للعقيله بعد ما ابتسم في وجهها
=============================
يختي الميت الف شنهو عندي وانه ابن حيدر
شما زادوا بعد ولله وكتايبهم تجر تكثر
اخوج وماتهمني الخيل تشوفيني علي لوكر
لخلي الرايه والصارم من دم العدو ايكطر
واصير اعليهم الطاعون يختي وصدي للمنضر
وحك جدج وابوج احلف وحك الضلع اللتكسر
ابوجودي موش يوصلج عدو لو راد بس ينضر
اصب ماي العمه ابعينه ويضل طول الدهر يذكر

علي ابسيفه الدين همه ينجلي
علي ابسيفه الدين همه ينجلي
والله لوماسيفه ماجان انعبد
ابليس لويدري ابصلب ادم علي
جان مو مره الف مره سجد
=======================
يواهم لاتضل غفلان نفسك دوم حاجيها
وبجسمك اكو سلطان عقلك هااليمشيها
ومن توصل الدرب الخير ثمرة تلكيها
هوه ياهو من يضرب وحده ومايثنيها
ويبجي اتشوفه بالمحراب خشيه ادموعه يجريها
يواهم اخذ هاالعبره وبذنك د وم خليها
تره ادم ابتفاحه باع الجنه والبيها
وعلي هاالجنه من الله بحفنه اشعير شاريها

مقطوعه شعريه للاكبر عليه السلام
مقطوعه شعريه للاكبر عليه السلام
=============================
هايمه طلعتي اوياي ردي الخيمتج ردي
موهسا توادعنه وبعدها شمتج ابخدي
ابنج كرة اعيونج عزيزه الوالده عندي
يمه اكبالي لاتبجين دمعج مرده الجبدي
صبري والعزم بلله وبلله الهمتج شدي
موعود ابنج الهل اليوم اوفي لازم ابوعدي
شوفيني لسر كلبج مثل المرتضى جدي
واصولن صولة الكرار وافني اعمارهم وحدي
لجن يمه الصبر مريود الهاي النايبه اتحدي
كالتله يالاكبر روح يبني والدمع يندي
عساني الكربله لاجيت ييمه ونايمه ابلحدي

العنوان عهد للحسين ع عهد الولاء والتمسك في حب الحسين الا ابد الابدين
----------------- العنوان عهد للحسين ع ----------
يحسين اليحب يعتب وحبيب انته يبو السجاد
تدري امسودن بحبك وابويه وامي والاجداد
كل مره اجي زاير يمك احضر التعداد
واليله الك شجاي اشجي والهضم يزداد
يحسين العدو وكحه اعيونه وللمخالب حاد
يحسين العدو ذباح يحسين العدو جلاد
ينهش سيدي بينه ومن عدنه بلت الاجساد
لجن يخسه العدو يحسين اهو ابماي العكر يصطاد
ما يلوينه ريح الغيض نلوي الغيض والاحقاد
فدوه الروح شنهو الروح فدوه المال والاولاد
بحبك لو الف موته نموت او لونصير ارماد
نبقه ياحسين انصيح نبقه ابخدمتك رواد

للعباس ع
للعباس ع
اريد اكصد لبو فاضل محب وحسرته بكلبه
ولاادافع اويه الناس ابضريحه الجايه اتندبه
ولا اطلب مثلهم جاي كلمن معتني ابطلبه
ولاصيرن مثل مهموم عنده اعتاب ويعتبه
ولا اقره الزياره ولااصلي وساعه عالتربه
اريدن يم اخو زينب اطبن زحف للعتبه
وابجيله دمع من دم ودمعي ايجرحه الهدبه
واصيح ابصوت ياعباس نهر العلكمي اتطبه
وبيدك جود والرايه اركزتهاحيل وبكلبه
وشلت الماي و بجفك عذب من جفك اتذبه
ولسكينه يعم سكنه ترست الماي بالكربه
لجل هذا اجيت انشد ومنه ارويحتي امعذبه
ليش الماي بجفوفك تشيله وتالي متشربه

لعبد الله الرضيع ع
لعبد الله الرضيع ع
لمه اطفال ذاك اليوم غريبه اشلون ملتمين
ابدور اوجوهم تضوي زغيره اعمارهم حلوين
بهيده يمشي ازغرهم واكبرهم ثلاث اسنين
فكري احتار للموقف اشوف اشلون مهتمين
واحد ينخه بالثاني يحشم يلله ياالطيبين
واحد جاب جربة ماي اوواحد طاسه مخبوصين
فوك الروس شالوهن وينكطن عالمتنين
ركضولك فرد ركضه لليوكع الثاني ايعين
مدري وين منواهم بهذا الماي متوجهين
لن واحد اجه ازغيرون يبجي ويلطم الخدين
ودنك راسه والدمعات فوك الكاع من العين
كاللهم بعد شيفيد يخوتي انذبح طفل حسين
عاشق الحسين

عاشق الحسين
----------
ياحبيبي ياحسين بيك اتعشك ابشعري
عاشك انه والعشك يحسين عذري
ياحبيبي شكد احبك حبك ابشرياني يسري
ياحبيبي امسودن انه ابحبك وعذالي تدري
ياحبيبي ارضعت حبك بالمهدايام زغري
ياحبيبي طلسم اسمك امي صايغته اعله صدري
ياحبيبي بدرب حبك شاتل انه اسنين عمري
انته باب الفرج انته من يجور اعليه دهري
انته باب الكرم انته اتوفي يامولاي نذري
طلب عندي ياحسين من اموت احضر ابكبري

http://http://www.yasahra.com/1/Alshear/S.Adnan%20Al-hamami/S.Adnan%20Al-hamami.htm







رد مع اقتباس
 
رد
   

مواقع النشر
 

« الموضوع السابق | الموضوع التالي »
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة

الانتقال السريع إلى


Loading...

   
 

Powered by vBulletin® Version 3.8.4
Copyright ©2000 - 2014, Jelsoft Enterprises Ltd.

جميع المواضيع والمشاركات الموجودة في المركز الإعلامي تعبر عن رأي كاتبها وليس عن رأينا