هذا الــغـريـب مــنـيــن///للسيد سعيد الصافي الرميثي

[محمد حميد الواسطي]

عظم الله لنا ولكم الاجر بمصاب سيدي ومولاي موسى الكاظم(عليه السلام)






هذا الغريب منين


للسيد سعيد الصافي الرميثي





هذا الغريب منين * وين أهلهه راحوا وين


مات بسجن مظلوم * وبيا ذنب مسموم


----------------


عادة الميت يشيعه * لمن يسكن ونينه


تحظر اولاده واخوته * عن يساره وعن يمينه


هذا اليوسده ويجبله * وذاك اليغمض له عينه


احنه ما شاهدنه ميت * بالحديد مقيدينه


من شدة التقييد * ينزف دمه من القيد


باقي الأثر لليوم * وبيا ذنب مسموم


----------------


موسى بن جعفر * كاظم الغيظ بصفاته


ولا سجون الطاغي ساعة * بدلت سيرة حياته


دمعته ولهجة دعائه * وبكلب خاشع صلاته


للفرج يحسب ليالي * وبالفرج يدري مماته


بطامورة الأشرار * بظلمته ليل نهار


من الشمس محروم * وبيا ذنب مسموم


------------------


مرت أعوام أعله سجنه * للفرج معقوده ظنه


شيعته المنتظره تنشد *ياهو اليخبرها عنه


ساعة السمعت أجاها * طارش يبشرها منه


الموعد الجمعة يكلها * بشوفة الوالي انتهنه


يا شيعة والميعاد * كلهم جسر بغداد


نستقبل المظلوم * وبيا ذنب مسموم


-------------------


طلعت الشيعة تشوفه * موسى بن جعفر املها


من بعد غيبه طويله * بالسلامة يرجعلها


عاينوا لاحت جنازه * اربعة اتولوا حملها


وسمعوا بناعي المنيه * ينعي ودموعه يهلها


صاحوا يناعي شصار * وشعندك من أخبار


تنعي بحزن وتحوم * وبيا ذنب مسموم


---------------------


عالجسر نادى المنادي * هذا إمام الرافضيه


الطيب بن الطيب أصله * من صلب حامي الحميه


من رحم بضعة محمد * فاطمة الزهره الزجيه


وجانت اطباعه السماحه * والحلم عنده سجيه


ليش بسجن هارون * كضه العمر مسجون


بلوعه وجبد مالوم * وبيا ذنب مسموم


---------------------


ساعة الشخص طبيبه * سم غدر وبجبده صابه


يا خلق ارد اناشد * اخوه ما عنده وقرابه


يلي تسأل هذا أهله * بالمدينة أهل النجابه


وخيرة الله على البريه *نزل عليهم كتابه


من أطهر الاصلاب * من أشرف الانساب


تقوى وفخر وعلوم * وبيا ذنب مسموم


---------------------


يلي تسأل شنهي ذنبه * الكاظم بسجن الخليفه


البايعوا جده الصميده * بيعه سوده مو نظيفه


للظلم زرعوا اساسه * من عهد يوم السقيفه


وفاطمة كسروا ظلعها * بضعة الهادي الشريفه.

[بنت المشرق]

موسى بن جعفر * كاظم الغيظ بصفاته


ولا سجون الطاغي ساعة * بدلت سيرة حياته


دمعته ولهجة دعائه * وبكلب خاشع صلاته
عظم الله اجركم
موفقين أخي الكريم

[مرتضى الهلالي]

أعظم الله اجورنا واجوركم بهذا المصاب

[المنصور بالرعب]

عظم الله لنا ولكم الاجر بهذا المصاب الجلل

بارك الله بكم على نقل هذه القصيدة الرائعة

شكرا لكم

[ناصرة المذهب]

قصيدة رائعة بوركت اناملك

[حسين الموسوي]

[ناصرة المذهب]

موسى بن جعفر * كاظم الغيظ بصفاته


ولا سجون الطاغي ساعة * بدلت سيرة حياته


دمعته ولهجة دعائه * وبكلب خاشع صلاته
عظم الله اجركم
موفقين أخي الكريم

[مولاتي زينب]

السلام عليك سيدي موسى إبن جعفر ..
يا حليف السجدة الطويلة ..
يا مألف البلوى و الصبر ..
أيها المقبور بالجور ..
و المعذب في قعر السجون

بارك الله بك

[نائل الدراجي]

اللهم صل على محمد وال محمد وعجل فرج قائم ال محمد
عظم الله اجورنا واجوركم بهذه الفاجعة الاليمة
وبارك الله تعالى في جهودكم الرائعة

[وهج الانوار]

السلام على المُعَذَّبِ فِي قَعْرِ السُّجُونِ
وَظُلَمِ المَطامِيرِ ذِي السَّاقِ المَرْضُوضِ
بِحَلَقِ القُيُودِ وَالجَنازَةِ المُنادى عَلَيها
بِذُلِّ الاِسْتِخْفافِ،