مناجات مع قبر الزهراء عليها السلام

[هادي الجياشي]

مانعرف بينه شيصير = لوزرناه
والله اليعلم لوگـبرچ = شاهدناه
أعله أعتابه قبل لنفوت ـــــ جائزمن لهفتنه أنموت
يازهراء يازهراء
ــــــــــــــــــــــــــ
أذا ليله بحياتي أنساچ = ما أحسبهه من عمري
وسطرعيني كون أسمچ = يمر والعين ماتجري
يمن يومچ ترك جمره = بين اضلوعنه وتسري
يمن لاكـبه لاشـباچ = وكبـرچ وين ماندري
وماتقبل هالعين أتنام = كل ليله
الى الدمــع عالخدين = اتسيله
من يمر أسم البضعه ــــــ عودناهه أتهل دمعه
يازهراء يازهراء
ـــــــــــــــــــ

ابوســط محاره يادره = ومكنونه أبحر واسع
حتى انزوره كل ليله = ومن عدنه الكلب خاشع
رضينه أنعيش بالأحلام = حتى انشوفه ونطالع
لأن بس بالحلم شـفناه = منظر گبرچ الضايع
من البچي نعمي العين = لوشفناه
ولو نندله ويـن يصـير= نتعناه
مانمشي نزحفله أزحوف ـــــــ وموبالچف نلطم بسيوف
يازهراء يازهراء
ـــــــــــــــــــــ
وعله أغياب القـبر تدرين = يمظلومـه اليصبرنه
أذا گــبرچ علينه ضــاع = نلگـاچ ابمجالسنه
بس يبقى الحــزن بينه = لأن گـبرچ نريده احنه
نريد انطوفـــــه ونادي = يحسين ابضمايرنه
لوهل اهلاله عاشور = بالويلاه
انصيح يازهره حسين = ماننساه
ولمن نذكر احنه حسين ــــــــ أنسمعچ ويانه اتنادين
يازهراء يازهراء
ــــــــــــــــــــــــ
كلب كل شيعي بالحسره = ويزهره ينعصر بالآه
وتلطم خـده دمعاته = من أسمچ يمر طـرواه
حسرة گبرچ الضايع = نترجمهه أبدمعنه أهناه
نـخاف أيامنه تكظي = وگبرچ أحنه مازرناه
بين اليقضه والأحـــلام = ضيعناه
جنه ومن روض الفردوس = أرسمناه
عطره أطيب من الريحان ـــــــ وخدامه حور ولدان
يازهراء يازهراء
ـــــــــــــــــــــ
قبل لاينوجد هالـكون = وبيدچ سبـحة الغفران
بقعودچ صوتچ يمجــد = بقيامچ ترفعين أذان
مثل ماســجدت الأملاك = وأدم للنبي العدنان
أنس وجان الچ سجدت = بأمر الواحد الديـان
حتى أبكلمة التوحيد = أشطبتي ألا
اللهُ أنتــــه ربي = أنتى الله
خيرة نساء الكونين ـــــ أم الحسن وام حسين
يازهراء يازهراء
ــــــــــــــــــــــ
قطب بيت الرساله انتي = ونور الله في أرضه
نظل اعله القبر نسئل = وذهب مانطلب وفضه
حتى لو بلا بنيان =أبگــبرچ هم تره نرضه
نشوفه نريد بس بالعين = ونشم أترابه لو لحظه
لوندري أنزوره ونموت = نمشيله
يم گبرچ نلـطم انريد= بس ليله
وبترابه انعفر الخدين ـــــــ ونصب كل دمعات العين
يازهراء يازهراء
ــــــــــــــــــــــــ
لأن مظلومه مهضومه = رحتي والضلع مكسور
ولأن بيت الحزن لسه = دمعج بي يظل يفور
قبلتي ينخفي كبرج = عن اهل الظلم والجـور
حتى الي كسر ضلعج = الكبرج مايجي ويزور
عن عين أبليس وجنده = ضيعتيه
لأن الباري يسامح = أليكصد ليه
ونتاني المهدي الموعود ـــــــــ ياخذنه الكبرج ويعود
يازهراء يازهراء
ـــــــــــــــــــــــ
ــــ
ـ
جبار البطاط

[مولاتي زينب]

اللهم صل على محمد وال محمد وعجل فرج قائم ال محمد
بوركت يمناك على الابيات الرائعة

[هادي الجياشي]

شكراَ للمرور الاكثر من رائع

[بنت المولى]

ولمن نذكر احنه حسين ــــــــ أنسمعچ ويانه اتنادين
يازهراء يازهراء
رزقك الله الشفاعة

[هادي الجياشي]

شكراً للمرور العطر والرائع

[الماجد]

(اللهم صــــــــــــ على محمد واـــــــــــــــــــــل محمد وعجــــــــــــــ فرج قائم اـــــــــــــــــــــــل محمد)


قطب بيت الرساله انتي = ونور الله في أرضه
نظل اعله القبر نسئل = وذهب مانطلب وفضه
حتى لو بلا بنيان =أبگــبرچ هم تره نرضه
نشوفه نريد بس بالعين = ونشم أترابه لو لحظه
لوندري أنزوره ونموت = نمشيله
يم گبرچ نلـطم انريد= بس ليله
وبترابه انعفر الخدين ـــــــ ونصب كل دمعات العين
يازهراء يازهراء

سلمت الانامل التي خطت هذه الكلمات
رزقنا الله واياكم
لخدمة فاطمة الزهراء (عليها السلام)

[هادي الجياشي]

شكراً للمرور الكريم أخي الغالي

[حسين الموسوي]

دائما متميز موفق عطاء لاينضب بحول الله لك تحياتي

[هادي الجياشي]

شكراَ للمرور الاكثر من رائع

[الحميد]

الشفاعة الشفاعة يا فاطمة بحق محمد وآل محمد
فليشهد الجميع والعالم كله اني بحبك وابيك وبعلكي وبنيكي مجنون

[هادي الجياشي]

شكراً للمرور الكريم والعطر

[احمد سعدون]

الشفاعة الشفاعة يا فاطمة بحق محمد وآل محمد