الرئيسية التحكم     الرسائل الخاصة الخروج

 


   
العودة   المركز الاعلامي لمكتب المرجع الديني آية الله العظمى السيد الصرخي الحسني - دام ظله > المنتديات العامة > المنتدى الشعري
 

المنتدى الشعري منتدى يعنى بكتابة القصائد الشعرية الهادفة

رد
   
 
أدوات الموضوع طرق مشاهدة الموضوع
 
   
قديم 12-02-2009, 07:47 PM رقم المشاركة : 1
معلومات العضو
غدير خم

الصورة الرمزية غدير خم
إحصائية العضو






غدير خم is on a distinguished road

غدير خم غير متواجد حالياً

 


المنتدى : المنتدى الشعري
Lightbulb محاكمة رمح قصيدة حسينية

عفيه كلبك يارمح راس الحسين

شلون شلت الراس تانيته انكتل

هي كلفه وصعبه توصل للعقول

فوك خشبه شلون يتعلك جبل

هو راس حسين كوكب بالسماء

اكبر من مشتري وكوكب زحل

حتى دم حسين مو مثل الدموم

كل كريه البي مثل حيدر فحل

وارد اسئلك يارمح بس هالسؤال

فوك كطع الراس شلته بيا سبب

انته من ياشجره ماعندك ضمير

وانته من ياغابه لو عندك نسب

وارد اكلك عيب بس موبس عليك

عار عالغابات كلهه وعا لخشب

شلون حالك باجر بيوم الحساب

تدخل النيران وانته اصلك حطب

ولو مو اول خشب يدخل حساب

عيسى كبل حسين دكوه عا لصليب

بس فرق ذاك الخشب دكوه بثبات

وانته تفتر ليش براس الغريب

جنت اسئل كل خشب لو ما اكول

هم خشب ذاك العليه يقره الخطيب

انته لاتقنعني ما تعرف حسين

ولا تكلي الناس جابوك بغرض

هو راس حسين وزنه بلا حدود

ومن رفعت الراس خف وزن الارض

وانته بالك تقتنع مات الحسين

روحه مو سهله الحسين وتنقبض

والدليل الكاع تفتر بالفضاء

ويه كلب حسين تفتر عالنبض

قدموك البير كوثر مو عقاب

هم وراك النار وحسابك سلك

بير كوثر يغسل الدم العليك

خاف دم حسين فوك يحترك

ولاتكول دخيلكم من هذا العذاب

كل خشب مكروه عند اهل الشرك

بالغرب صار الطبخ عا لكهرباء

واحنه نطبخ عا لخشب يوم الطبك

ماكو داعي اطب جهنم للعقاب

انة حكمك سلك بأصغر منقله

شلون راس حسين والدم صب عليك

وتهضم النسوان واطفاله وهله

احنه مانبريك صح جابك يزيد

بس حمل الراس صلب المسأله

واقبل ينشال راس ابن البتول

صرنه من الكاع كل القافله

بس اجه السجاد وحط ايده اليمين

شلع ويه الراس كوفه وكربله

يارمح باجر نشوفك با لحساب

وبا لقيامه تصير اكبر مهزله







التوقيع


رد مع اقتباس
 
رد
   

مواقع النشر
 

« الموضوع السابق | الموضوع التالي »
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة

الانتقال السريع إلى


Loading...

   
 

Powered by vBulletin® Version 3.8.4
Copyright ©2000 - 2014, Jelsoft Enterprises Ltd.

جميع المواضيع والمشاركات الموجودة في المركز الإعلامي تعبر عن رأي كاتبها وليس عن رأينا