الرئيسية التحكم     الرسائل الخاصة الخروج
 
0hf1f6mn388t.png (1000×200)
87alawima0vr.png (1000×94)sgxkza6trsay.png (1000×106)
 
image92005.html (1000×107)image92010.html (205×51)image92009.html (203×51)image92008.html (197×51)image92007.html (183×51)image92006.html (212×51)image92015.html (205×71)image92014.html (203×71)image92013.html (197×71)image92012.html (183×71)image92011.html (212×71)
9ns97t43zn944ktzg.jpg (173×36)95zvayepo5npcobzg.jpg (234×36)fzm9hjoh0hg0rbazg.jpg (217×36)wu2k32h78h9d5d9zg.jpg (211×36)l7dqy2c2dhld5vczg.jpg (165×36)
pl817gvt6nff5x8zg.jpg (329×47)nd06btfzmo1o9dbzg.jpg (322×47)
7y2m60km27k0n2azg.jpg (181×58)bqaspq3alm84fnuzg.jpg (160×58)osv9v4n96ifg7a6zg.jpg (155×58)vznz9c29vv68jcezg.jpg (142×58)

 

 

 

 


   
العودة   منتديات المركز الاعلامي لمكتب السيد الصرخي الحسني > المنتديات العامة > المنتدى الشعري
 

المنتدى الشعري منتدى يعنى بكتابة القصائد الشعرية الهادفة

رد
   
 
أدوات الموضوع طرق مشاهدة الموضوع
 
   
قديم 21-06-2011, 02:22 PM رقم المشاركة : 1
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


المنتدى : المنتدى الشعري
افتراضي مدمج : قصائد بحق راهب آل محمد الإمام موسى بن جعفر الكاظم ( ع )

يابـاب الحوائـج ياسفيـنـة نــوح.. جزر حبـك طويـل ويصعـد وي المـد
يراهـب بيـت ال المصطفـى الاخيـار.. سجنـك صـار جامـع بـيـه تتعـبـد
امقيد بالسلاسـل وانـت كلـك فيـض ..كلـي ابيـا حديـد الفـيـض يتقـيـد
علمـت السجـن كـل المعانـي البيـك ..وسجانك جـزع حـد مـا لكالـك حـد
كهف الغيض صدرك يل حويت الغيـض.. عجيبه اشلون غيـض ابصـدر يتحـدد
ابطن الحوت يونـس مـا حمـل ايـام ..رغـم ماجـان حوتـه اويـاه يـتـودد
وانت اسنين عمرك كضن عـد الحـوت.. وحوتـك بالعـذاب اويــاك يتعـمـد
يوسف بالسجن والسجن سبـع اعـوام.. بـس لمـن طلـع عالعـالـم اتسـيـد
وانت اخمسطعش واتجاوزت كـم عـام .. تالـي اعلـه الجسـر مسمـوم وامّـدد
ايـوب الصبـر بيـه اقتـرن مـولاي .. وانـت الصبـر منـك كــام يتـولـد
موسى من مصر غادرهه ثمـن اسنيـن .. وشوكه للاهل بيـه كـل وكـت يشتـد
وانت من الاهل محـروم حـد المـوت .. كلـي اشلـون ميـت للاهـل يـنـرد
يااطـول سجـود ايسجلـه التـاريـخ .. لوعدينـه بيـك ايتيـه بيـنـه الـعـد
عدوك شاف قطعه من القصـر عالكـاع ... فوك اتراب سجنـه ابكـل وكـت تمتـد
شافك وانذهـل مـن جاوبـوه اعليـك ...عرف شنهو اليريـده وبيّـن المقصـد
ماحدك سجـن والسجـن بيـك احتـار .. وانت ابكـل كتـر منصوبلـك مشهـد
هارونك تضعضع نـزل لسفـل سـاف ..وانت ابرغـم سجنـك عالخلـد تصعـد
ياسفـرة الحاجـه وياهـوه التعـبـان ..نـارك بالكـلـب هيـهـات ماتـبـرد
مثل مدعيت ربك هيجي ندعـي اويـاك .. لان سجيـن هارونـك رجـع وانـحـد
يل خلصت يونس مـن ضـلام الحـوت .. خلصنـه بجـاه المصطـفـى الاحـمـد
يمخلـص الجنيـن وهــو بـالارحـام .. خلص هالشعب مـن كـل ظلـم اسـود
يل امخلص اللبن مـن بيـن هـذاوذاك .. خلص هالشعب من كـل عـدو اتمـرد







التوقيع


رد مع اقتباس
 
   
قديم 21-06-2011, 02:23 PM رقم المشاركة : 2
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

يـــــالكاظم عشاكك احنه
وبوجه المايرحم صحنه
_____________
صيحة عــزم واصرار صرختنه تدري
وبوجــه كـــــل طاغوت من عدنه تبدي
ارواح الك كـــل يـــــــوم ياموسى نفدي
لمحبتك بس كـــــون حادينــــــــه يحدي
ومانتخلف عنـــــــك كلنه
_______________
خطينــــه وكــت الليل اسمـــــك علامه
للكاصـــد من بعيـــــــــد يجزي بسلامه
ليل الوكت غــــدار ويلــــه الينـــــــامه
وصرنه بفكد عيناك مثـــــــــــل اليتامه
ماترضه تفاركنه المحنــه
_______________
بسم الله طـــرينــــــــــاه درب النواصب
ماخفنــــه نمشي بـــــزود ياابن الاطايب
نجامــــــل تظـــــــــن كفار والهم نكاتب
لا وحك داحي البــــــاب وابنه الي غايب
ماننذل لو يمهم طحنـــــــه
________________
عشــاك الك من يـــوم علنـــــــو بغضهم
ونسالم احنه اشلون ساعـــــــــــة حربهم
لو زرعو النــــــه الغـــــام نسحك دربهم
خل ينفجر بالـــــروح مصـــــدر حقدهم
ونكسره السيف الذابحنـــــه
________________
تدري شكثر نشتاك للموتـــــــــــه دونك
بكد ماعلينه سنيين سهـــــــــرت عيونك
خوانه كل الناس لمــــــن يجـــــــــــونك
بس شيعتك هيهــــــــات لا مــــــاتخونك
متفقيين نـــــوفي بدمنـــــــه
___________________
خل الاعـــــــــادي تكـــــــــــول وشماتكوله
باجــــر تشــــــــــوف العيــــن شنهو التنوله
ياهو الشفيــــــــع يكـــــــــــون شيخ الكهوله
لو ذاك ابـــــــو الحسنيين فحــــــــل الفحوله
ومانندم لو ويـــــــــــــاه رحنه
____________________
عشـــاك الك مـــن يـــــوم رضعتنــــه أمنــه
من عهد ذاك اليوم بيــــــك أحنــــــــه همنـه
ترخصلك انته عيـــــــون بـــــل حتى دمنــه
ويحرمه الله الجـــــــان منـــــــــــك حرمنــه
يالمـــــثلك ابـــــــدآ مـــــاشفنه
__________________
اسمك علــــم بالـــــدين ياسيــــــــــد النــاس
غيــره وشهامــــــــه وزود يالمملي احسـاس
لجـلك هوينه نفــــــــوت نسحكها الارجــاس
دره العقيــــــــده تكـــــــون يالنبعــك المـاس
نحبك ولشخصــــــك ماعفنـــــه
____________________


الشاعر
طالب الشطري







التوقيع


رد مع اقتباس
 
   
قديم 21-06-2011, 02:34 PM رقم المشاركة : 3
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

ياباب الاصدله بوجهي مسدود
بس بابك يبن جعفر فتحته
ترحب باليجيك وتقضي حاجات
والزارك صدك ياخذ طلبته
انت الجود عندك والكرامات
عالم من علي علمك اخذته
راهب بالسجن رادو يرهبوك
رهبت السجن سجانك رهبته
معبد صار سجنك ونت عابد
ومسجد كل سجن انته جعلته
إمام الرافضة يسموك ظلام
رفضت الظلم والباطل رفضته
لان جدك محمد والميامين
مات العدل وبأيدك عدلته

الشاعر

اياد الفرح






التوقيع


رد مع اقتباس
 
   
قديم 21-06-2011, 02:41 PM رقم المشاركة : 4
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

يا باب الحوائج والحوائج فيض
لكن فيض جودك اعظم واكبر
يا مسجون اصبح شعله للثوّار
يا اعظم مثل للراد يتحرر
يا اصعب درس للقيد من يكون
اسهل من ورق بالماي يتكسّر
يا ملجأ دموعي بزمن كلّه دموع
اتكسّر قطع وبابك اتجبّر
ما اعرف شوصفك انته عندي هواي
امامي انته وصديقي العنده اضم السر
ما اكدر اعزّي وليش اعزّي الناس
موجود انته أحسّك بالكلب تفتر
تاخذ دمعة امي وكل كلب مهموم
يا مركز اجابة دعوة المظطر
شاهدنه الجسر يا سيدي ومولاي
مثل مجلس شهاده والجسر منبر
تتقاطع حروفي والشعر معذور
يا صورة شعر من صورتك اكبر
لذلك عجز شعري وخاني التعبير
واجت ليك القصايد تمشي تتعثر
يا ذكرى ......
وأذكرك اني ما ناسيك
ما محتاج يوم برجب واتذكّر
بس عندي طلب يا للحوائج باب
تذكر من يحبك ساعة المحشر
وتشفع لليحبك عد اله الكون
يفرّج من همومي برحمته الاكبر







التوقيع


رد مع اقتباس
 
   
قديم 21-06-2011, 02:46 PM رقم المشاركة : 5
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

((الناس عن أصله وهله ينشدونه ))


هذا كاظم الغيض الذي إيعرفونه *** الناس عن أصله وهله ينشدونه



نكرته بغداد لا چن تعرفـــــــــه *** هذا إبن زمزم ومكه والصفـــــه




هذا أبوه جعفر وجده المصطفه *** والعجب هالوادم إينكــــــــرونه




((الناس عن أصله وهله ينشدونه))


هذا إبن بيت النزل بيه الوحي *** إبن سيد العرب و أشرف وصي


عالجسرماله أهل مرمي رمي *** الجسم أزرق يويلي شلونــــه

((الناس عن أصله وهله ينشدونه))


يا طبيب اليجي يعـــــرف علته *** يصيح أهله ياخلگ وين إخوته

گطعوا بالســــــــم يويلي چبدته *** ليش ابن حامي الحمه يسمونه


((الناس عن أصله وهله ينشدونه))


ياعلي بالكاظم تبگه إمصــــيبتك *** وكل وكت تنصب مناحه شيعتك


سيدي لازم نشيد بحضــــــرتك *** ونوصلك رغم الذي إيمنعونه


((الناس عن أصله وهله ينشدونه))




بعد ياجرح الجسر أنزف ألــــم *** بيهم أطفال ونسه وهاي الزلم

من الحقد والكفر يامسلم سلم *** إبحكم زمره حاقده وملعونه

((الناس عن أصله وهله ينشدونه))







التوقيع


رد مع اقتباس
 
   
قديم 21-06-2011, 04:43 PM رقم المشاركة : 6
معلومات العضو
مشاهد

الصورة الرمزية مشاهد
إحصائية العضو






مشاهد is on a distinguished road

مشاهد غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

[align=center]
ياباب الاصدله بوجهي مسدود
بس بابك يبن جعفر فتحته
ترحب باليجيك وتقضي حاجات
والزارك صدك ياخذ طلبته

اللهم اقضي حوائج المؤمنين والمؤمنات
بحق باب الحوائج موسى بن جعفر عليه السلام


[/align]






رد مع اقتباس
 
   
قديم 21-06-2011, 05:23 PM رقم المشاركة : 7
معلومات العضو
مرتضى الهلالي
إحصائية العضو






مرتضى الهلالي will become famous soon enough

مرتضى الهلالي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )



السجنوك بحياتك ياشمس بغداد

احتلوا ديرتك بس غمضت عينك

والسموك ردوا بالدرع مولاي

والكطعوا جبدتك كطعوا دينك

والعافوك مرمي اعله الجسر مولاي

ردوا عالجسر مسحوا نياشينك

وصوتك يبقى صوتك خلده التاريخ

ونولدت امس ماماتن اسنينك

ياباب الكرم يابيدر الطيبات

اكعد كسروهن كل فناجينك

ياباب الحوائج تقبل انته اشلون

بغداد الحبيبه اتصير محتله

وانته ابن الحسين المايهاب الموت

منهجكم كتب هيهات للذله

ذبحوا شيعتك ياكعبة الاحرار

وحاطوا كبتك يالكبتك قبله

تيهنه الدرب ماعدنه ظل مقياس

بس درب المكابر كمنه نندله

كتالك رجع شايل حقد تاريخ

ولد هارون اجت وطلبك بعتبه

والثار اعله مودك سكتاه الكال

موجود الاله ويحرس الكعبه

ومتانين يفزع للبلد مختار

ولو ادري الخوارج مذنب اتحسبه

ردت كلهه ردت سيدي العادوك

ردت عالمنابر حيدر تسبه

نشيعك مونعش تشيعك بكل يوم

لان يوميه الف تشييع من ناسك

يالساسك نبي ومتفرع المعصوم

ياهو العنده زود ويوصل الساسك

ياجنة عدن يالتخدمك املاك

وملائكة العرش مولاي حراسك

طلبه انريد منك تفزع البغداد

وتجي بفقار ابوك ودرعك وطاسك

لان ذبحوا عراقك مثل ذبح احسين

اخذ ثار العراق وثار عباسك


الشاعر
علي الملا الخزاعي







التوقيع


رد مع اقتباس
 
   
قديم 21-06-2011, 05:25 PM رقم المشاركة : 8
معلومات العضو
هادي الجياشي

الصورة الرمزية هادي الجياشي
إحصائية العضو






هادي الجياشي will become famous soon enoughهادي الجياشي will become famous soon enough

هادي الجياشي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

منبرية ملمّع , القصيدة لاستشهاد الامام الكاظم ع
ــــــــــــــــــــــــــــــــــــــــــــ
ــــــــــــــــــــــــــــــ
,
,
,

نورك شمس في الاكوانٍ ... اضحى قيدا للسجانٍ
يامولاي ونار الثار ... تلهب لمصابك والصار
وجرى حزنك في الاجفان
ــ
ــ
ــ
ــ
يالكاظم ما رحمو حالك .. وسفه سجون الغدر تنالك
مالوم وما يفرٍح حالك .. بس ضلمه وسجّان كبالك
قيدك في كهف الاحزان ... اسرى الاَلام باركاني
والاَه تلوج ويه النار ... تلهب لمصابك والصار
وجرى حزنك في الاجفان
ــ
ــ
ياتاج الغيره وراعيهه .. ياسور الشيعة وحاميهه
من صبرك يالحر ساجيهه .. وخليهه عداك تلاويهه
سجنك وحي للاشجان ... وانينك نبضه اضناني
هضمات لهضمك تندار ... تلهب لمصابك والصار
وجرى حزنك في الاجفان
ــ
ــ
كل اهلك تنعاك الليلة .. وبيك الكون انهد كل حيله
نبجيك وكل حر نبجيله .. يمعدّل بيدك كل ميله
وجهك في حضن الاكفانٍ .. ونزيف قيودك انهاني
جويه بكل هاي الاعمار .. تلهب لمصابك والصار
وجرى حزنك في الاجفان
ــ
ــ
يابن جعفر ياوالينه .. هاليوم بحبك نادينه
ولدروب الحك تعنينه .. ننعاك وننطر مهدينه
صوتك في اقفاص الجاني ... وكئيب نهارك ابكاني
صرخه بدلّالي وتنهار ...تلهب لمصابك والصار
وجرى حزنك في الاجفان
ــ
ــ
ملينه ولا رحمو بينه .. وعداكم دوم تعادينه
نكرو يبن الحك هادينه .. من بعد البغض لوالينه
صبرك قهر للاوثان ... يامن عنوانه اغشاني
ودموعي بكل ديره انهار ... تلهب لمصابك والصار
وجرى حزنك في الاجفان
رحيم الحسيني الحسناوي







رد مع اقتباس
 
   
قديم 21-06-2011, 05:26 PM رقم المشاركة : 9
معلومات العضو
هادي الجياشي

الصورة الرمزية هادي الجياشي
إحصائية العضو






هادي الجياشي will become famous soon enoughهادي الجياشي will become famous soon enough

هادي الجياشي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

الى سيدي و مولاي الامام الكاظم عليه السلام


1
وا إماماه .. وا إماماه
طال سجنك سيدي و زاد القهر
سيدي امتـانيــــــك أحبـــابك دهر
لا سنه و سنتيـن مشبوح النظر
شلون يا مولاي بيك و بيها
وا اماماه .. وا اماماه
2
تنادي يا مولاي طالت غيبتك
عيونهم كل حين تِـربي الشوفتك
وإجه اليوم و حان موعد جيّتك
لكن بيــــــــا حال يا واليهه
وا اماماه .. وا اماماه
3
اربع احماميل تابوتك تِشيل
و الحزن ويا يميل اشما يميل
جن(رســول الله) هالليله قـتيل
إسمع املاك السمه وناعيهه
وا اماماه .. وا اماماه
4
جــابو التابوت خلو علجسر
كَبله ما شفنه جسر يحضن بدر
بيا عذر باجـر السمَّـك يعتـــــذر
هـالجريمه النـار ماتكفيهه
وا اماماه .. وا اماماه
5
آه وا ويـلاه هارون الرشيد .. آه واويلاه من جور الرشيد
فوكَـ سجنك سمّمك نسل البعيد
والسلاسل بيدك وكَـيد الحديد
ريت ادينه البيهن امكَيديهه
وا اماماه .. وا اماماه
6
سيدي يا سيدي يا سيدي
من يواليــــــكم يفـوز ويهتدي
و احنه يا مولاي بيكم نقتدي
هاي شيعة جدك اشفع ليهه
وا اماماه ... وا اماماه
7
جينه وانواسي بمصابك فاطمه
للنبي نعـــزيه و الحامي الحمه
و نذكر احسين الكَظه بسيف الضِمه
هاك دمعات الحزن داميهه .. هاك دمعات الحزن جاريهه
وا اماماه .. وا اماماه



زكي الياسري







رد مع اقتباس
 
   
قديم 21-06-2011, 05:28 PM رقم المشاركة : 10
معلومات العضو
هادي الجياشي

الصورة الرمزية هادي الجياشي
إحصائية العضو






هادي الجياشي will become famous soon enoughهادي الجياشي will become famous soon enough

هادي الجياشي غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

قيــــود السجن والقضبان *** جرت دمع الوجد واحزان

تســـيل دمـــوم *** على المعصـوم

موسى الكاظم المظلوم
*****************************
خيالي بالسجــــن حطنــي *** أدور ذكـــرى بالحــيطـان
شفــــت لوحة نبي ساجد *** يخـدمونه المــلك والجـان
سجـــــن لكن نهر يجـري *** صـبح جنه وذوات افــنان
أشم عطر الجرح وألطــم *** أعــــاين دمـعه عل قرآن


وأشوفــن چن صلاة الليل *** تــون ما ظل صبر لا حيل
شــربت سموم *** على المعصوم
موسى الكاظم المظلوم
*****************************
عجز شعري الوصف يصعب *** صــــــبر شمـعه بظلام اوغـاد
فتگ نورك سگــــــف سجنك *** رفض خيطـــــــك يصير رماد
لون تدعــي صدى صـــــوتك *** مثــل صيحَـــة ثمـــــود وعـاد
لچن رحمــــــــــة نبي بگلبـك *** عفيت مــــــن الخســف بغداد



كتمت اوجــــــــاعك بلا صوت *** كظمـــــــت وما شكيت الموت
أون مهمـــــوم *** على المعصوم
موسى الكاظم المظلوم
*****************************
سلاســـــل بالرجــــــل ترجف *** أذا صــــــــلى الإمـــــــام الليل
يهــــــارون الرعين إسمـــــع *** رعـــــيد السبعـــــه كلهن ويل
عليمـــــــن ينحـبس مــــوسى *** طــــــــواميرك تهـــــــد الحـيل
على بيت النبـــــــي ظنَّــــــــك *** أعـــــــدوا مستطــــــــعتم خيل


صفـــــيتوا ترْهـِـــــــبون البيت *** جــــــرح وســـط الگلب ونيت
صحت ملچـوم *** على المعصوم
موسى الكاظم المظلوم
*****************************
قســـم يـــا بو الرضـــا مصابك *** حفـــر حــــزنه بضلع لســـنين
رجــــب يلطـــم صــــفه وينعـى *** هــــــــدم مــــوتك ركن بالدين
عســـــــاني مـــــــــا شفت ليلة *** وداع الخمــــــــسه والعشرين
جســــر شـــــايل جســــر للرب *** جســر نور وجســــر من طين


جســـــر درب اليـــــــريد يـزور *** صـــبح ضـــــــد الظلم والجور
يــــــون مالوم *** على المعصوم
موسى الكاظم المظلوم
**********************







رد مع اقتباس
 
   
قديم 21-06-2011, 07:19 PM رقم المشاركة : 11
معلومات العضو
بنت المشرق
عضو ممتاز

الصورة الرمزية بنت المشرق
إحصائية العضو







بنت المشرق will become famous soon enough

بنت المشرق غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

شعر عن الإمام الكاظم عليه السلام


وما لعيني لا تبكي وقد نظرت

باب الحوائج موسى فخر عدنان

لهفي عليه سجينا طول مدته

مازال ينقل من سجن إلى ثاني

إلك يا موسى بـن جعفـر

لهيـب الـروح يتـوجـر

حزينة الشيعة لمصابـك

وتـذرف دمعـة أحبابك

إلك يا موسى بـن جعفـر

إلك يـا سابـع الأطهار

آنـه وكـل هلـي ننحـب

نعـزي الهـادي والكـرار

يل عمرك سجـن غيهـب

ووين الزهرة والمختـار

ماتـم بالحـزن ننـصـب

وانطـوف بسـواد الليـل

نشيـع نعشـك بتمثـيـل

بكل شبـر وارض نفتـر

إلك يا موسى بن جعفـر

آنه من الصغـر مـولاي

شفت دمعة أبوي عليـك

وحق موسى بن جعفر هاي

اسمع صوته مـن ينخيـك

ويـاه أصبحت رجـواي

عشقتك بالكلـب أفديك

مـولاي وإلك هالـيـوم

اذرف دمعـه يـا مظلـوم

تشفـع والـدي وتحضـر

إلك يا موسى بن جعفـر

يسابع نور مـن عدنـان

يا حامـل سـراج الديـن

للحـق والعـدل عنـوان

شخصـك علـة التكويـن

حـار بشانـك السـجـان

يل نورك سطـع صوبيـن

من سجن لسجـن خلـوك

اطــاوع للظـلـم رادوك

وانته لكل عـزم مصـدر

إلك يا موسى بن جعفـر







التوقيع




الحق واضح في نفسه وإنما يخفى علينا لعلّة في عقولنا فإنّ
الشمس نيّرة ولا يراها الخفاش لعلة في بَصَرِه > سقراط

رد مع اقتباس
 
   
قديم 21-06-2011, 07:20 PM رقم المشاركة : 12
معلومات العضو
بنت المشرق
عضو ممتاز

الصورة الرمزية بنت المشرق
إحصائية العضو







بنت المشرق will become famous soon enough

بنت المشرق غير متواجد حالياً

 


كاتب الموضوع : مرتضى الهلالي المنتدى : المنتدى الشعري
افتراضي رد: مدمج : قصائد بحق راهب آل محمد الإمام موسى بن جعفر الكاظم ( ع )

يم (جسر الائيمه ) اليـوم

زحـفـت شيعـتـك زوار

يـا مسجـون يامسمـوم

تنعـاك بـدمـع مــدرار

يــدرون التشـيـع دوم

ثـوره اتزلـزل الاشـرار

يم جسـر الائيمـه ارواح

يمـك هـومـت تـرتـاح

والمـاي الصبـح احمـر

الك يا موسى بن جعفـر

ضريحـك مكصـد الوفـاد

وشخصك قبلـة العرفـان

وبيـك أتنورت بـغـداد

ونورك شع على الأكوان

الكل حاجه وطلـب تنـراد

أصبح قبـرك العنـوان

سمـوك بـابـو طلـبـه

تكشف كل محـن صعبـه

ابن حنبل شهد مـن قـر

إلك يا موسى بن جعفـر

يسـر يمفسـر الآيات

يل جفـك طفـح بالجـود

طورك بالسجـن سجـدات

طويلة أتسبح المعبـود

ونارك تكشـف الأزمات

وسجانـك صبـح نمـرود

نعـاك بحسرتـه التأويـل

وبصوته اتنحـب جبريـل

واسرافـيـل والمحـشـر

إلك يا موسى بن جعفـر



نسألكم الدعاء










التوقيع




الحق واضح في نفسه وإنما يخفى علينا لعلّة في عقولنا فإنّ
الشمس نيّرة ولا يراها الخفاش لعلة في بَصَرِه > سقراط

رد مع اقتباس
 
رد
   

مواقع النشر
 

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
دور المجتمع الأسلامي في قضية الامام موسى بن جعفر ( راهب آل محمد)عليه السلام بنت المشرق منتدى المجتمع الاسلامي 17 10-07-2010 11:40 PM
ولاية الحله.المركز/ نصب موكب خدمي بذكرى راهب ال محمد الامام موسى الكاظم (عليه السلام) اعلام الحله المركز منتدى المرجعية 33 09-07-2010 01:52 PM
الإمام موسى بن جعفر الكاظم (ع) حسين الموسوي منتدى سيرة أهل البيت عليهم السلام 18 23-11-2008 03:11 PM
وصية الإمام جعفر الصادق لولده الإمام موسى الكاظم (عليهما السلام)... فتى الليل السجين منتدى سيرة أهل البيت عليهم السلام 2 25-10-2008 10:36 PM
على أعتاب الكاظم الإمام موسى بن جعفر الكاظم (عليه السلام) قحطان منتدى سيرة أهل البيت عليهم السلام 0 28-07-2008 07:51 AM


Loading...

   
 

Powered by vBulletin® Version 3.8.9
Copyright ©2000 - 2018, Jelsoft Enterprises Ltd.

جميع المواضيع والمشاركات الموجودة في المركز الإعلامي تعبر عن رأي كاتبها وليس عن رأينا

يمكن إعادة نشر المادة المنشورة (ما لم تتم الإشارة الى عائديتها الى أطراف أخرى) مع ذكر المصدر.